A Relity Tour (Live In Doublin)
Sony 2010
Дејвид Боуви е најголемото име во светот на современата музика. Роден далечната 1946, неговата долга музичка карира се протега низ два века, неколку декади и безброј музички стилови. Нешто што е заедничко за разните периоди од животот на Боуви е кавлитетот на музиката. Од самиот почетокот на неговата кариера, преку „мејнстрим„ фазата од осумдесеттите, до Reality и Heaten албумите од 21 век. Цел еден куп квалитни поп композиции. Одличен предуслов за добар концерт.
Reality турнејата, сега за сега е последната светска турнеjа на Боуви. За жал, истата не е довршена поради здраствени причини. Боуви доживува срцев удар и оттогаш неговите ангажмани во музичкиот свет се минимални. Шансите за уште една светска турнеја не се баш големи. Во 2004 година во продажба се појавува A Reality Tour DVD, извонреден видео документ за последната турнеја на Боуви, додека оваа година во продажба се појави и аудио ЦД од истиот концерт со плус неколку бонус песни кои ги нема на ДВД изданието.
Да се задржиме на концертот. Фасцинацијата доаѓа од повеќе страни:
1. Должината на концертот. 33 композиции поместени на два компакт диска со времетраење од околу два ипол часа. Ова е тоа што луѓето го нарекуваат „концерт за паметење„.
2. Бендот. И самиот Боуви во еден момент на концертот е изненаден од луѓето околу себе. Инспиративно. Изведбата на песните е приказна сама за себе. Некои познати Боуви класики звучат подобро од било кога (Loving The Alien, Life On Mars, Changes, Ashes To Ashes...) Нови аранжамни, нова димензија. Бендот на Дејвид Боуви делува како најдобриот бенд на светот.
3. Новите песни на Боуви (земени од последните негови албуми (Heathen и Reality) му даваат на овој концерт врска со новото време, и отсвирени во овој контекст, помеѓу сите тие класики звучат вонвременски. Обратете вниманеи на Reality, Heathen, New Killer Star и Never Get Old. Нови изненадувања за новите генерации.
Без разлика на фактот како понатаму ќе се развива кариерата на Боуви, овој негов концерт претставува фантастичен документ за најинтересната музичка кариера на нашето време. Неговиот глас, изглед, став и енергија тераат на повторно преслушување. Моето омилено музичко четиво за оваа година.
Кон крајот, Ziggy Stardust звучи како најдобрата песнас на сите времиња, за да концертот заврши со проклето добра изведба на China Girl. Концерт важен за неколку генерации вљубеници во музиката. Купи! Купи! Купи!
Kanton 6
Rock E.P.
Turbo Volk E.P.
pmg recordings 2010
Kanton 6 се Синиша Ефтимов (театарски режисер, гитарист во ПМГ Колектив) и Мирко Попов (диск-џокеј, радио водител, вокалист во ПМГ Колектив). Нивната работа со Кантон 6 датира од 2000 година, но овој проект ретко кога претставувал главна преокупација во нивната заедничка работа. Еден типичен сајд-проект. Изданието Rock, всушност се селектирани 3 композиции направени во 2001 година од кои 2 за прв пат се достапни на пошироката јавност. Ова издание ги содржи Grapes и Plastika, техно продуцирани композиции како и легендарната игра со препознатливите семплови од светското музичко наследство на "хитот" Rockaroundtheclock.
Turbo Volk е пресек на новата работа на бендот, всушност најава за деби албумот со работен наслов The Year Acid House Broke кој треба да се појави во скоро време. Две прекрасни есид-хаус композиции (Fake & Gay и Havin' It Large) изградени врз најдобрите моменти од вонвременската есид-хаус култура. На моменти како да слушате некоја стара класика од овој жанр. Се додека употребата на македонскиот јазик не ве потсети каде се наоѓате. Едноставното е генијално.
Duke B.
NY a.m.
pmg recordings 2010
Новиот албум на Дуке Бојаџиев, New York A.M.во издание на домашната Пмг Рекордингс. Се работи за еден од најистакнатите македонски музичари на новото време. Живее и работи во Њујорк. Издава музика релативно често (ова е неговиот 6ти албум), а во неговото творештво покрај современите музички влијанија, можат да се забележат и влијанија од македонското музичко наследство. New York A.M.претставува колекција од 12 композиции, жанровски различни, кои според авторот се блиски до атмосфарата на ноќните њујоркшки саати. Ако мораме да посочиме на една, тоа дефинитвно ќе биде Факт, композиција направено заедно со Bernays Propaganda.
No comments:
Post a Comment